لیبیا کے صحرائی شہر میں تارکین وطن کی مبینہ اجتماعی قبریں

نیو یارک (ڈیلی اردو) اقوام متحدہ کے تفتیشی ماہرین نے کہا ہے کہ وہ ان رپورٹوں کی تصدیق کرنے کی کوشش میں ہیں کہ لیبیا میں تارکین وطن کی اسمگلنگ کے بڑے مراکز میں مبینہ طور پر غیر ملکیوں کی اجتماعی قبریں موجود ہیں۔

U.N. investigators are seeking to verify reports of mass graves thought to contain the corpses of migrants at a trafficking hub in Libya, they said in a report that also documented incidents of rape, murder and torture https://t.co/Zq7CvOVvd4 1/5 pic.twitter.com/LWVqfK3bS8

— Reuters (@Reuters) March 28, 2022

عالمی ادارے کے ماہرین کے مطابق ایسی رپورٹیں ملی ہیں کہ ان تارکین وطن کو ریپ کرنے کے علاوہ ان پر تشدد کیا گیا اور کئی واقعات میں انہیں قتل بھی کر دیا گیا۔

ان ماہرین کو خاص طور پر لیبیا کے صحرائی شہر بنی ولید میں ایسی مبینہ قبروں کے بارے میں وہاں مقیم تارکین وطن اور مہاجرین نے بتایا۔

یہ بات غیر واضح ہے کہ ایسی مبینہ اجتماعی قبروں میں کتنے تارکین وطن کی لاشیں دفن کی گئی ہوں گی۔