مانسہرہ: مذہبی منافرت پھیلانے کے الزام میں جے یو آئی رہنما مفتی کفایت اللہ گرفتار

مانسہرہ (ڈیلی اردو) مذہبی منافرت پھیلانے کے الزام میں سابق رکن اسمبلی اور جمیعتِ علماء اسلام کے اہم رہنما مفتی کفایت اللہ کو گرفتار کرلیا گیا۔

تفصیلات کے مطابق لاک ڈاؤن کی خلاف ورزی پر مولانا فضل الرحمٰن کے قریبی ساتھی اور جے یو آئی کے اہم رہنما مفتی کفایت اللہ کو مانسہرہ میں مولانا عبدالعزیز کے نماز جنازہ میں شرکت کے بعد واپسی پر پولیس نے گرفتار کیا گیا ہے۔

مفتی کفایت اللہ کے خلاف مانسہرہ پولیس نے لاک ڈاؤن کی خلاف ورزی پر 12 اپریل کو مقدمہ درج کیا تھا، جس کے بعد آج مانسہرہ میں مولانا عبدالعزیز کے نماز جنازہ میں شرکت کے بعد واپسی پر پولیس نے انہیں گرفتار کر لیا ہے۔

انکے خلاف ایف۔آئ۔ار درج ہوکر انکو گرفتار بھی کر لیاگیا ہے۔ pic.twitter.com/i3xhNIYsnl

— Mansehra Police (@MansehraPolice) April 14, 2020

ڈی پی او مانسہرہ نے بتایا ہے کہ سرکل شنکیاری کی پولیس نے دفعہ 144 کی خلاف ورزی، اشتعال انگیز تقریر کرنے اور عوام میں مذہبی منافرت پھیلانے کے الزام میں سابق رکن اسمبلی مفتی کفایت اللہ کو گرفتار کیا ہے جنہیں کل عدالت میں پیش کیا جائے گا۔

انہوں نے کہا کہ مفتی کفایت پراشتعال انگیزی، فرقہ وارانہ تقریر اور دفعہ 144 کی خلاف ورزی کے مقدمات ہیں۔