مانسہرہ میں تین سالہ بچی سے اغوا کے بعد زیادتی، حالت تشویشناک

مانسہرہ (ڈیلی اردو) صوبہ خیبرپختونخوا کے ضلع مانسہرہ میں 3 سالہ بچی کو اغوا کرکے زیادتی کا نشانہ بنادیا گیا۔

تفصیلات کے مطابق مانسہرہ میں علاقہ میجر ایوب روڈ پر 3 سالہ بچی کو اوباش نے زیادتی کا نشانہ بنا ڈالا، بچی کو تشویش ناک حالت میں ایوب میڈیکل کمپلیکس ایبٹ آباد ریفر کر دیا گیا۔

مانسہرہ میں 4 سالہ بچی کا اغوا
25 سالہ نوجوان نے قریبی کھیتوں میں بچی کو زیادتی کا نشانہ بنایا پولیس
ملزم بچی کو گلی میں پھینک کر فرار ہوگیا
۔ملزم کے رشتہ داروں نے پولیس اہلکاروں پر تشدد کر کے ملزم کو چھڑوالیا
بچی تشویشناک حالت میں ایوب میڈیکل کمپلیکس ایبٹ آباد منتقل

— Mubashir Zaidi (@Xadeejournalist) September 22, 2020

پولیس ذرائع کے مطابق اویس نامی شخص کی بیٹی کو ملزم کھیت میں لے گیا، بچی کے گھر کے قریب لگے سی سی ٹی وی کیمرے سے ملزم کی شناخت کی گئی۔

پولیس نے ملزم کو اس کے گھر بلہگ پائیں سے گرفتار کیا تو اہل محلہ نے پولیس پارٹی پر حملہ کر دیا اور ملزم کو پولیس حراست سے چھڑا لیا۔ اس دوران دو پولیس اہلکار ابرار شاہ اور قیصر زخمی ہوگئے۔