محکمہ موسمیات کی آج پنجاب اور خیبر پختونخوا سمیت دیگر علاقوں میں بارش کی پیشگوئی

لاہور (اے ڈی شہزاد) محکمہ موسمیات کے مطابق آئندہ چوبیس گھنٹوں کے دوران ملک کے بالائی اور وسطی علاقوں میں بارش کا امکان ہے۔

تفصیلات کے مطابق اس دوران مظفر آباد سمیت کشمیر کے تمام اضلاع، بالائی، وسطی پنجاب کے اضلاع راولپنڈی، جہلم، چکوال، ناروال، سیالکوٹ، گجرات، گوجرانوالہ، سرگودھا، فیصل آباد، لاہور، ساہیوال، ملتان، بہاولپور اور اسلام آباد میں کہیں کہیں تیز ہواؤں اور گرج چمک کیساتھ بارش کا امکان ہے۔

اسی طرح خیبرپختونخوا کے اضلاع مانسہرہ، ایبٹ آباد، ہری پور، دیر، سوات، پشاور، مردان، کوہاٹ، بنوں، ڈی آئی خان میں چند مقامات پر تیز ہواؤں اور گرج چمک کے ساتھ بارش جبکہ زیریں سندھ کے اضلاع میرپورخاص، ٹھٹھہ اور بدین میں بھی چند مقامات پرتیز ہواؤں اور گرج چمک کے ساتھ بارش کا امکان ہے۔