مردان میں پولیس کی کارروائی میں مطلوب دہشت گرد ہلاک

مردان (نمائندہ ڈیلی اردو) صوبہ خیبرپختونخوا کے ضلع مردان میں چورہ کے مقام پر سرچ آپریشن کے دوران کالعدم تنظیم کا انتہائی مطلوب دہشتگرد مارا گیا۔

مردان میں پولیس کے ساتھ جھڑپ میں ایک مبینہ دہشت گرد ہلاک ہوگیا، پولیس کے مطابق عبداللہ عرف حمزہ نامی دہشت گرد پولیس کو کئی مقدمات میں مطلوب تھا۔#Mardan #Pakistan

— Shabbir Hussain Turi (@ShabbirTuri) May 31, 2023

خیبرپختونخوا پولیس کے خفیہ اطلاع پر مردان میں کارروائی کی، اس کارروائی کے دوران کالعدم تحریک طالبان کا مطلوب دہشتگرد عبداللہ عرف حمزہ مارا گیا۔

عبداللہ عرف حمزہ دہشتگردی میں خیبرپختونخوا پولیس کو 16 مقدمات میں مطلوب تھا۔

خیبرپختونخوا حکومت نے ملزم کی سر کی قیمت پچاس لاکھ روپے مقرر تھی۔