مقبوضہ کشمیر میں 140ویں روز بھی کرفیو برقرار

سری نگر (ڈیلی اردو) مقبوضہ کشمیرمیں ایک سو چالیس ویں روز بھی کرفیو برقرار ہے۔ 90 لاکھ کشمیری بھارتی فوج کی سختیوں کے باعث فاقہ کشی پر مجبور ہیں۔ جان کی پرواہ کیے بغیر ہزاروں افراد نے مظاہرہ کیا اور حق خود ارادیت کا مطالبہ کیا۔ قابض فوج نے فائرنگ کرکے متعدد مظاہرین کو زخمی کر دیا۔

مقبوضہ جموں، کشمیر اور لداخ میں کرفیو تیسرے ماہ بھی جاری۔ قابض فوج کی سختیوں کے باعث نوے لاکھ کشمیری فاقہ کشی پر مجبور۔ گھروں میں قید ہزاروں کشمیری جان کی پرواہ کیے بغیر مقبوضہ سری نگر، پلوامہ اور دیگر اضلاع میں گھروں سے باہر نکلے اور احتجاج کیا۔

مظاہرین نے مودی حکومت کے خلاف نعرے لگائے اور مطالبہ کیاکہ کشمیریوں کو حق خودارادیت جائے۔ قابض فوج نے فائرنگ، شیلنگ اور لاٹھی چارج کرکے متعدد کشمیریوں کو زخمی اور گرفتار کرلیا۔

بھارتی جیل میں قید شبیر شاہ اور دیگر حریت رہنماؤں نے کشمیریوں کی نسل کشی، کارکنان اور حریت رہنماؤں کی گرفتاری کی مذمت کی۔