مون سون بارشوں سے ملک بھر میں 55 افراد جاں بحق، ترجمان این ڈی ایم اے

اسلام آباد (ڈیلی اردو) وفاقی ادارے نیشنل ڈیزاسٹر مینیجمنٹ اتھارٹی نے (این ڈی ایم اے) نے حالیہ بارشوں اور سیلاب کے نتیجے میں ہونے والے نقصانات کے حوالے سے اعداد و شمار جاری کر دئیے گئے ہیں جس کے مطابق حالیہ بارشوں اور سیلاب کے نتیجے میں جاں بحق افراد کی تعداد 55 ہوگئی۔

ترجمان این ڈی ایم اے کے مطابق حالیہ بارشوں اور سیلاب کے نتیجے میں 55 افراد جاں بحق ہوئے، بارشوں اور سیلاب کے نتیجے میں آزاد جموں کشمیر میں سب سے زیادہ جانی نقصان ہوا ہوا ۔ ترجمان این ڈی ایم اے کے مطابق حالیہ بارشوں اور سیلاب کے نتیجے میں 51 افراد زخمی ہوئے۔ ترجمان این ڈی ایم اے کے مطابق سیلاب اور بارشوں کے نتیجے میں 186 گھروں کو نقصان پہنچا۔

ترجمان این ڈی ایم اے نے بتایا کہ بارشوں اور سیلاب سے متاثرہ علاقوں میں 727 سینٹ تقسیم کئے گئے۔

ترجمان این ڈی ایم اے کے مطابق دریائے کابل میں نوشہرہ کے مقام پر نچلے درجے کا سیلاب ہے۔ دریائے جہلم میں منگلا کے مقام پر اونچے درجے کا سیلاب متوقع ہے ترجمان این ڈی ایم اے کے مطابق دریائے چناب اور دریائے سندھ میں درمیانے سے اونچے درجے کا سیلاب متوقع ہے ،این ڈی ایم اے نے تمام اتھارٹیز کو الرٹ جاری کردیا۔