میکسیکو میں پولیس قافلے پر حملہ، 13 اہلکار ہلاک

میکسکو (ڈیلی اردو/نیوز ایجنسی) امریکی ملک میکسیکو میں پولیس قافلے پر حملے کے نتیجے میں 13 اہلکار ہلاک ہوگئے۔

نیو یارک ٹائمز کے مطابق شمالی امریکی ملک میکسیکو میں پولیس قافلے پر حملے کے نتیجے میں 13 اہلکار ہلاک ہوگئے، حملہ اس وقت ہوا جب پولیس کا قافلہ گشت پر مامور تھا جب کہ جس علاقے میں حملہ کیا گیا وہاں مسلح گروہ اور جرائم پیشہ افراد نے اپنی آماج گاہ بنائی ہوئی ہے۔

Gunmen killed 13 law enforcement officers in an ambush on a Mexican government convoy southwest of the capital, officials said. https://t.co/86SqviFlvr

— The New York Times (@nytimes) March 19, 2021

پولیس قافلے پر حملے کے بعد میکسیکو نیشنل گارڈ اور دیگر سیکیورٹی فورسز کی بڑی تعداد کو طلب کرکے بڑے پیمانے پر حملہ آروں کی تلاش کے لیے آپریشن شروع کردیا گیا ہے۔

دوسری جانب میکسیکو کے وزیر برائے سیکیورٹی کا کہنا ہے کہ قانون نافذ کرنے کے لیے حملہ آوروں کو پوری قوت کے ساتھ جواب دیا جائے گا۔

واضح رہے شمالی امریکی ملک میکسیکو منظم جرائم اور منشیات کے کاروبار سے منسلک مسلح گروہوں کے حوالےسے مشہور ہے جب کہ علاقے متعدد جگہوں پر بھی جرائم پیشہ گروہوں نے قبضہ کیا ہوا ہے، گزشتہ سال بھی صرف پولیس پر حملوں کے نتیجے میں 500 اہلکار ہلاک ہوگئے تھے۔