وزیراعظم عمران خان سے چاروں صوبوں کے وزرائے اعلیٰ کی ملاقات

اسلام آباد (ڈیلی اردو) وزیراعظم عمران خان سے چاروں صوبوں کے وزرائے اعلیٰ نے ملاقات کی۔ ملاقات میں صوبوں کی بہتری اور عوامی مسائل کے حل پر مشاورت کی گئی۔

وزیراعظم عمران خان سے چاروں صوبوں کے وزرائے اعلی نے ملاقات کی ہے۔ ملاقات میں صوبوں کی بہتری اور عوامی مسائل کے حل پر مشاورت کی گئی۔ ملاقات میں وفاقی اور صوبائی حکومتوں کے درمیان ورکنگ تعلقات بہتر بنانے پر بھی تبادلہ خیال کیا گیا۔

وزیراعظم عمران خان نے چاروں وزرائے اعلیٰ کو عوامی مسائل کے حل کے تدارک کیلئے جامع پالیسی بنانے کی ہدایت کی کردی۔

جبکہ وزیراعظم سے جاپان کے مشیر خارجہ امور نے ملاقات کی۔ ملاقات میں دونوں ممالک کے تعلقات اور خطے کی ترقی پر تبادلہ خیال کیا گیا۔

وزیراعظم عمران خان کی جاپان کے مشیرخارجہ امور سے ملاقات کا اعلامیہ بھی جاری کردیا گیا ہے، جس میں کہا گیا کہ وزیراعظم نے جاپان کے مشیر خارجہ امور کو خطے میں امن کی کوششوں متعلق آگاہ کیا۔

اعلامیے کے مطابق وزیراعظم عمران خان نے ملاقات میں پاک جاپان مختلف شعبہ جات میں تعاون پر زور دیا۔

وزیراعظم عمران خان نے کہا کہ حکومت نے سرمایہ کاری کیلئے سازگار ماحول، فلاحی پالیسی کو ترجیح دی۔ پاکستان کی 60 فیصد آبادی 30 سال سے کم عمر ہے۔ پاکستانی نوجوانوں کو روزگار کی فراہمی سے دونوں ممالک مستفید ہوں گے۔