ٹانک میں فٹبال میچ کے بعد واپسی پر دو ایف سی اہلکار اغوا، سرچ آپریشن جاری

ٹانک (ڈیلی اردو) خیبرپختونخوا کے ضلع ٹانک میں فٹبال میچ کے بعد واپس جاتے ہوئے دو ایف سی اہلکاروں کو نامعلوم مسلح افراد نے اغوا کر لیا۔ واقعہ گاؤں اماخیل کے قریب پیش آیا جہاں مسلح حملہ آوروں نے اہلکاروں کو نندور کے مقام پر نشانہ بنایا۔

اغوا ہونے والے اہلکاروں کی شناخت زبیر ولد عمر داراز (یونٹ 137 ونگ SWS) اور انشاءاللہ ولد جمعہ خان (یونٹ شوال) کے ناموں سے ہوئی ہے۔ دونوں اہلکاروں کا تعلق کندی قبیلے سے ہے اور وہ گاؤں پائی کے رہائشی ہیں۔

ذرائع کے مطابق اہلکار فٹبال میچ کے بعد پیدل واپس جا رہے تھے کہ راستے میں انہیں اغوا کر لیا گیا۔ واقعے کی اطلاع ملتے ہی پولیس اور سیکیورٹی فورسز نے علاقے میں سرچ آپریشن شروع کر دیا ہے، جبکہ داخلی و خارجی راستوں کی نگرانی بھی سخت کر دی گئی ہے۔