ٹانک میں کوٹ اعظم پولیس چوکی پر حملہ ناکام، 2 دہشت گرد ہلاک

ٹانک (نمائندہ ڈیلی اردو) صوبہ خیبر پختونخوا کے ضلع ٹانک میں کوٹ اعظم پولیس چوکی پر رات گئے دہشت گردوں نے حملہ کردیا تاہم پولیس اور ایف سی کی جوابی کارروائی میں 2 دہشت گرد ہلاک اور دیگر بھاگنے پر مجبور ہوگئے۔

https://twitter.com/ShabbirTuri/status/1726531686253699114?t=xm6pZHfRD_O4ojGXEsE2Jw&s=19

ٹانک کے ڈی پی او افتخار علی شاہ کے مطابق پولیس کی جوابی کارروائی کے بعد دہشت گرد فرار ہو گئے۔

انہوں نے مزید بتایا ہے کہ سرچنگ کے دوران صبح ایک دہشت گرد کی لاش ملی ہے۔

ڈیرہ: گزشتہ شب دہشت گردوں کا چوکی کوٹ اعظم پر حملہ، پولیس اور FC کے جوانوں کا نہایت بہادری سے منہ توڑ جواب۔

دہشتگرد نا صرف بھاگنے پر مجبور ہوگئے بلکہ نفری بھی مکمل محفوظ رہی، البتہ سرچ کرنے پر 01 دہشت گرد کی نعش سمیت 01 ایم فور رائفل، 08 میگزینز اور 01 واکی ٹاکی سیٹ برآمد. pic.twitter.com/bgX0GUfFS9

— KP Police (@KP_Police1) November 20, 2023

ڈی پی او ٹانک افتخار علی شاہ کا یہ بھی کہنا ہے کہ ہلاک ہونے والے دہشت گرد کے قبضے سے ایم فور رائفل، 8 میگزین اور واکی ٹاکی برآمد ہوا ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے اپنے جاری کردہ ایک بیان میں اس بات کی تصدیق کی ہے کہ فائرنگ کے تبادلے میں ان کے دو مجاہدین مارے گئے ہیں۔