پاک بھارت کشیدگی کے دوران بھارتی خاتون پائلٹ کی گرفتاری کی مبینہ ویڈیو وائرل

دہلی/ اسلام آباد (ڈیلی اردو ) حالیہ پاک بھارت کشیدگی کے تناظر میں سوشل میڈیا پر ایک ویڈیو زیر گردش ہے جس میں دعویٰ کیا جا رہا ہے کہ بھارتی فضائیہ کی خاتون پائلٹ فلائٹ لیفٹیننٹ شیوانگی سنگھ کو زندہ گرفتار کر لیا گیا ہے۔ تاہم، اس دعوے کی کسی آزاد ذریعے یا سرکاری سطح پر تاحال تصدیق نہیں ہو سکی۔

شیوانگی سنگھ بھارتی فضائیہ کی پہلی خاتون پائلٹ ہیں جنہیں رافیل طیارے اڑانے کا اعزاز حاصل ہے۔ انہوں نے 2017 میں بھارتی ایئر فورس میں شمولیت اختیار کی اور ابتدا میں مگ 21 جیسے تیز رفتار جنگی طیارے اڑائے۔ بعد ازاں انہیں امبالا بیس پر واقع ’گولڈن ایروز‘ اسکوارڈن میں تعینات کیا گیا، جہاں وہ مختلف مشقوں اور آپریشنز کا حصہ رہیں۔

بین الاقوامی مبصرین کے مطابق حالیہ تنازعے میں جدید دفاعی ٹیکنالوجی، بشمول میزائل نظام اور ریڈار مداخلت، کے استعمال سے بھارتی فضائیہ کو چیلنجز کا سامنا رہا۔ سوشل میڈیا پر شیوانگی سنگھ کی مبینہ گرفتاری کی ویڈیو کو اسی پس منظر میں دیکھا جا رہا ہے۔

بھارت کی جانب سے اس معاملے پر فی الوقت کوئی باضابطہ بیان سامنے نہیں آیا۔ بعض سابق بھارتی فوجی افسران اور میڈیا تجزیہ کار اس واقعے کو دفاعی منصوبہ بندی کی ناکامی قرار دے رہے ہیں، جب کہ کچھ حلقے میڈیا پر قدغنوں کی بات بھی کر رہے ہیں۔

فی الحال، صورتحال کے مکمل حقائق کا تعین پاکستانی فوج کے شعبۂ تعلقاتِ عامہ (آئی ایس پی آر) یا دیگر مصدقہ ذرائع کی تصدیق کے بعد ہی ممکن ہو سکے گا۔

بھارتی خاتون پائلٹ شیوانگی سنگھ کو زندہ گرفتار کرنے کے تاریخی روح پرور مناظر ❤️
پاکستانی قوم میں ریس لگ گئی کون سب سے پہلے پائلٹ کو پھڑے گا 😂#بنیان_المرصوص 🔥 ایک سیسہ پلائی دیوار 🦾 pic.twitter.com/Ak7yBW06uQ

— GHQ 111 Brigade™️ (@Move111Forward) May 10, 2025