پاکستان سے ڈالر کی افغانستان اسمگلنگ طالبان حکومت کی لائف لائن ہے، بلوم برگ

اسلام آباد (ڈیلی اردو) عالمی جریدے بلوم برگ نے پاکستان سے ڈالرز کی اسمگلنگ کو افغانستان میں طالبان حکومت کی لائف لائن قرار دیا ہے۔

عالمی جریدے بلوم برگ کی رپورٹ میں انکشاف کیا گیا کہ تاجر اور دیگر ذرائع سے یومیہ 50 لاکھ ڈالر پاکستان سے افغانستان جارہے ہیں، پاکستان سے ڈالر اسمگلنگ طالبان حکومت کی لائف لائن ہے۔

Millions of dollars are being smuggled into Afghanistan from Pakistan every day, providing some support for the squeezed economy. For Islamabad, the outflows are exacerbating a rapidly developing economic crisis. https://t.co/2sPwSDKJTZ

— Bloomberg (@business) February 6, 2023

رپورٹ میں بتایا گیا کہ افغانستان کی یومیہ ڈالر ضرورت 1 سے ڈیڑھ کروڑ ہے، اقوام متحدہ افغانستان کو ہفتہ وار 4 کروڑ ڈالر امداد دیتا ہے۔

بلوم برگ کی رپورٹ کے مطابق اقوام متحدہ کے علاوہ ڈالر اسمگلرز بھی افغانی کرنسی خریدے رہے ہیں، جس سے افغانی روپے کی قدر رواں سال 5 اعشاریہ 6 فیصد بڑھی ہے۔

عالمی جریدے کی رپورٹ کے مطابق طلب بڑھنے سے افغانی روپیہ دنیا کی مضبوط ترین کرنسی ہے، دسمبر 2021 میں ایک ڈالر 124 افغانی کا تھا اور آج 89 اعشاریہ 96 افغانی روپے کا ہے۔

رپورٹ کے مطابق پاکستانی روپے کی قدر اس دوران 37 فیصد کم ہوئی ہے، افغانستان میں پاکستانی روپے پر پابندی لگانے سے بارڈر تجارت ڈالر میں ہورہی ہے۔

بلوم برگ کی رپورٹ کے مطابق طالبان حکومت نے افغانستان ڈالر لانے پر پابندی ختم کردی ہے۔