پاکستان کا ایران اور افغانستان سے متصل سرحد پر 18 تجارتی مراکز قائم کرنے کا فیصلہ
👁️ 105 بار دیکھا گیا
پاکستان کا ایران اور افغانستان سے متصل سرحد پر 18 تجارتی مراکز قائم کرنے کا فیصلہ
اسلام آباد (ڈیلی اردو/وی او اے) پاکستان نے اپنے دو پڑوسی ممالک ایران اور افغانستان کے ساتھ متصل سرحدی علاقوں میں تجارت کے فروغ کے لیے 18 کاروباری مراکز قائم کرنے کا فیصلہ کیا ہے۔
کاروباری مراکز قائم کرنے کا فیصلہ پاکستان کے وزیرِ اعظم عمران خان کی صدارت میں جمعرات کو اسلام آباد میں ہونے والے ایک اعلیٰ سطح کے اجلاس میں کیا گیا۔
وزیرِ اعظم عمران خان کے بقول یہ کاروباری مراکز مقامی افراد کو تجارت کے بہتر مواقع فراہم کریں گے۔
ماہرین اور کاروباری برادری کے نمائندوں نے کہا ہے ایسے کاروباری مراکز کے قیام سے خطے، خاص طور افغانستان میں امن قائم کرنے میں مدد ملے گی۔
ایک سرکاری بیان کے مطابق ان میں سے 12 کاروباری مراکز افغانستان کی سرحد پر جب کہ باقی 6 ایران کی سرحد سے متصل پاکستانی علاقوں میں قائم کیے جائٰیں گے۔
وزیرِ اعظم عمران خان نے ابتدائی طور پر صرف 3 کاروباری مراکز قائم کرنے کی منظوری دی ہے۔ ان میں سے دو ایران جب کہ ایک افغانستان کی سرحد کے ساتھ قائم کیا جائے گا۔ عہدے داروں کا کہنا ہے کہ یہ کاروباری مراکز آئندہ برس فروری تک تعمیر ہونے کے ساتھ فعال کر دیے جائیں گے۔
پاکستان کی کاروباری برادری کے نمائندے زبیر موتی والا کا کہنا ہے کہ اگرچہ ان کاروباری مراکز کے خدوخال ابھی واضح نہیں ہیں۔ لیکن پاکستان اور افغانستان کے درمیان باہمی تجارت کے فروغ کے لیے یہ ایک اچھی پیش رفت ہو گی۔
ان کا کہنا تھا کہ ایران سرحد کے قریب بھی ایسے کاروباری مراکز کی بہت زیادہ تجارتی افادیت ہو گی۔ سرحدی علاقوں میں ان کاروباری مراکز میں مناسب سہولتوں کی فراہمی سے سرحد کے آرپار تجارت کو فروغ حاصل ہو گا۔
زبیر موتی وال کے بقول ایک وقت میں پاکستان کی افغانستان کے لیے برآمدات کا حجم 2 ارب 70 کروڑ ڈالر تک پہنچ گیا تھا۔ لیکن حالیہ اعداد و شمار کے مطابق اب برآمدات کم ہو کر ایک ارب 30 کروڑ ڈالر رہ گئی ہیں۔
ان کا کہنا تھا کہ پاکستان اور افغانستان کی تجارت پانچ ارب ڈالرز تک پہنچ سکتی ہے۔
انہوں نے کہا کہ اگر افغان سرحد کے قریب پاکستان کی مصنوعات اور تجارتی اشیا کی مارکیٹ بنائی جاتی ہے تو اس کے نتیجے میں پاکستان اور افغانستان کے تجارتی حجم میں نمایاں اضافہ ہونا ممکن ہے۔
افغان امور کے ماہر رحیم اللہ یوسف زئی کا کہنا ہے کہ باہمی تجارت کا فروغ پاکستان اور افغانستان دونوں کے مفاد میں ہے۔ دونوں ممالک کی کاروباری برداری کی خواہش ہے کہ پاک افغان تجارت کے فروغ کے لیے ضروری اقدامات کیے جائیں۔
ان کا مزید کہنا تھا کہ کاروباری برداری اور سرحد کی دونوں جانب بسنے والے افراد کا یہ دیرینہ مطالبہ رہا ہے کہ سرحد کے قریب ایسے کاروباری مراکز قائم کیے جائیں جس سے دو طرفہ تجارت کو فروغ حاصل ہو سکے۔
تاہم رحیم اللہ یوسف زئی کے بقول پاکستان اور افغانستان کے درمیان تجارت کا انحصار پائیدار امن کے قیام سے منسلک ہے۔
ان کے بقول اگر افغان امن مذاکرات کامیاب ہوتے ہیں تو یہ نہ صرف افغانستان کے مفاد میں ہو گا بلکہ اس سے خطے میں امن اور خوش حالی آئے گی۔
رحیم اللہ یوسف زئی کا کہنا تھا کہ افغانستان پاکستان کا ایک بڑا تجارتی شراکت دار ہے۔ اگر وہاں امن قائم ہو گا یہ کاروباری منڈیاں بھی چلیں گے اور دو طرفہ تجارت میں بھی اضافہ ہو گا۔
متعلقہ خبریں
وزیر خارجہ کا اہم بیان
تازہ ترین خبریں
بھارت: راجستھان میں ریلوے پٹری دھماکے کے الزام میں دو افراد گرفتار، پاکستان میں موجود مبینہ ہینڈلرز سے رابطوں کا دعویٰ
16/November/2026 👁️ 81 بار دیکھا گیا
یمن : حوثی باغیوں کی عدن کی جانب پیش قدمی، شہر سے صرف 60 کلومیٹر دور اہم علاقوں پر قبضہ
16/November/2026 👁️ 110 بار دیکھا گیا
ٹرمپ اور ان کا خاندان ایران کی ممکنہ کارروائیوں کا پہلا ہدف ہیں، امریکی وزیر سلامتی
16/November/2026 👁️ 91 بار دیکھا گیا
ایران امریکا کشیدگی کے دوران تیسرا امریکی طیارہ بردار بحری جہاز مشرقِ وسطیٰ پہنچ گیا
16/November/2026 👁️ 92 بار دیکھا گیا
حوثیوں کا ریاض کے ہوائی اڈے اور مالیاتی مرکز پر میزائل حملوں کا دعویٰ، سعودی عرب نے میزائل اور ڈرونز تباہ کرنے کا اعلان کردیا
16/November/2026 👁️ 100 بار دیکھا گیا
اسرائیلی فضائی حملے میں حماس کے رفح بریگیڈ کے کمانڈر سمیر ابو یونس ہلاک
15/November/2026 👁️ 98 بار دیکھا گیا
مقبول خبریں
ٹرمپ کا ایران کو آخری الٹی میٹم، ڈیل نہ ہوئی تو تباہ کن کارروائی کی دھمکی
04/August/2026 👁️ 26472 بار دیکھا گیاایران میں موساد کیلئے جاسوسی کا الزام، دو افراد کو پھانسی دے دی گئی
04/August/2026 👁️ 15700 بار دیکھا گیاحوثیوں کا سعودی عرب کے نجران ایئرپورٹ پر ڈرون حملہ
05/August/2026 👁️ 11998 بار دیکھا گیاجنوبی وزیرستان: رات کی تاریکی میں طالبان اسنائپرز نے پاکستانی فوجیوں کو نشانہ بنایا، ویڈیو جاری
17/September/2025 👁️ 9381 بار دیکھا گیایمن میں حوثی باغیوں کے میزائل اور ڈرون حملے، 36 فوجی اہلکار ہلاک
07/August/2026 👁️ 7644 بار دیکھا گیاایران سیکس ویڈیو: وزارت فرہنگ و ارشاد اسلامی کے سربراہ رضا ثقتی کو عہدے سے ہٹا دیا
30/July/2023 👁️ 5657 بار دیکھا گیاموسمی حالات
کراچی
32°C
لاہور
28°C