پاکستانی فوج کے افغانستان میں فضائی اور زمینی حملے، متعدد طالبان ہلاک

اسلام آباد (ڈیلی اردو)  پاکستانی فضائیہ اور زمینی فورسز نے افغانستان کے صوبے قندھار میں افغان طالبان کے مبینہ ٹھکانوں پر جوابی کارروائی کی، جس میں متعدد جنگجو ہلاک ہوئے اور طالبان کے دو عسکری یونٹ تباہ کر دیے گئے۔

پاکستان کی مسلح افواج نے افغانستان کے صوبے قندھار میں افغان طالبان کے مبینہ ٹھکانوں پر حملے کیے ہیں۔ دعویٰ کیا گیا ہے کہ ان حملوں کے نتیجے میں متعدد جنگجو ہلاک اور طالبان کے دو اہم عسکری یونٹ تباہ ہو گئے۔

بدھ کے روز سرکاری نشریاتی ادارے پی ٹی وی نیوز نے سکیورٹی ذرائع کے حوالے سے رپورٹ کیا کہ پاکستانی فوج نے افغان طالبان کی ’’جارحیت‘‘ کے جواب میں کارروائی کرتے ہوئے قندھار کے علاقے میں افغان طالبان کے اہم ٹھکانے تباہ کر دیے۔

پاکستان کی مسلح افواج نے افغانستان کے صوبے قندھار میں افغان طالبان کے مبینہ ٹھکانوں پر حملے کیے ہیں۔ دعویٰ کیا گیا ہے کہ ان حملوں کے نتیجے میں متعدد جنگجو ہلاک اور طالبان کے دو اہم عسکری یونٹ تباہ ہو گئے۔

بدھ کے روز سرکاری نشریاتی ادارے پی ٹی وی نیوز نے سکیورٹی ذرائع کے حوالے سے رپورٹ کیا کہ پاکستانی فوج نے افغان طالبان کی ’’جارحیت‘‘ کے جواب میں کارروائی کرتے ہوئے قندھار کے علاقے میں افغان طالبان کے اہم ٹھکانے تباہ کر دیے۔

یہ جھڑپ ایک ہفتے کے دوران پاکستان اور افغانستان کے درمیان تیسرا بڑا تصادم ہے۔ اس سے قبل کرم اور دیگر سرحدی علاقوں میں بھی شدید جھڑپیں ہوئی تھیں، جن میں 23 پاکستانی فوجی ہلاک اور 29 زخمی ہوئے تھے جبکہ پاکستانی فوج کے مطابق 200 سے زائد طالبان جنگجو مارے گئے تھے۔

پاکستانی حکام طویل عرصے سے کابل حکومت پر الزام عائد کرتے آئے ہیں کہ افغان سرزمین دہشت گردوں کی پناہ گاہ کے طور پر استعمال ہو رہی ہے۔ تاہم افغان حکومت ان الزامات کی تردید کرتی ہے۔

تجزیہ کاروں کا کہنا ہے کہ حالیہ سرحدی جھڑپوں نے دونوں ممالک کے تعلقات کو ایک بار پھر شدید تناؤ کا شکار کر دیا ہے۔