پشاور سے حزب التحریر کے دو دہشت گرد گرفتار

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) نے کالعدم تنظیم حزب التحریر سے مبینہ تعلق رکھنے پر پشاور میں دو افراد کو گرفتار کر لیا۔

ترجمان کے مطابق سی ٹی ڈی نے صوبہ خیبر پختونخوا کے صوبائی حکومت پشاور کے علاقے بورڈ بازار نہر کے قریب خفیہ اطلاع پر کارروائی کی۔

ترجمان سی ٹی ڈی نے ڈیلی اردو کو بتایا کہ دونوں حزب التحریر کے سرگرم کارکن ہیں اور وہ دوسرے لوگوں کو تنظیم میں شامل ہونے پر راغب کر رہے ہیں۔

ترجمان نے بتایا گرفتار دہشت گردوں میں بختیار احمد اور جنید خان شامل ہیں۔

https://twitter.com/ShabbirTuri/status/1509938787404562438?t=-m4aHcdotxFoLvKZ8nHwDw&s=19

پولیس نے گرفتار افراد کے قبضے سے تنطیم کی تشہیر پر مبنی پمفلٹس، ایک عدد چندہ بکس، دو ضرب پستول 30 بور مع کاتوس 10 عدد برآمد کرنے کا دعوی کیا ہے۔

گرفتار افراد کو مقدمہ درج کرنے کے بعد تحقیقات کیلئے نامعلوم مقام پر منتقل کر دیا گیا۔ گرفتار ملزمان سے تفتیش جاری ہے جن سے سنسنی خیز انکشافات کی توقع ہے۔

عالمی تنظیم حزب التحریر پر نومبر، 2003 میں پاکستان میں پابندی عائد کی گئی تھی۔