پشاور میں ابابیل سکواڈ پر حملہ، 2 اہلکار زخمی

پشاور (ڈیلی اردو) خیبر پختونخوا کے صوبائی دارالحکومت پشاور کے علاقہ خزانہ میں مسلح افراد نے ابابیل سکواڈ کے اہلکاروں پر حملہ کر دیا جس سے دو اہلکار زخمی ہوگئے۔

تھانہ خزانہ کی حدود میں مبینہ راہزنوں کی ابابیل سکواڈ پر فائرنگ کے بعد رات گئے سرچ آپریشن

اہم مقامات پر سی سی ٹی وی فوٹیج کا جائزہ لیا گیا

ایس پی رورل کا ایل آر ایچ ہسپتال کا دورہ، زخمی اہلکار عثمان ابتدائی طبی امداد کے بعد ہسپتال سے فارغ کردیا گیا جبکہ اجمل کے حالات نارمل ہے۔ pic.twitter.com/p86YvwD8X5

— Capital City Police Peshawar (@PeshawarCCPO) March 23, 2023

پولیس کے مطابق خزانہ کے علاقہ نا سا پہ میں ابابیل سکوا ڈ کے اہلکار اجمل اور عثمان معمول کی گشت پر تھے اس دوران نامعلوم افراد نے ان پر فائرنگ کردی جس سے دونوں اہلکار زخمی ہوگئے جبکہ جوابی کارروائی پر نامعلوم مسلح افراد فرار ہوگئے۔ دونوں زخمی اہلکاروں کو فوری طبی امداد کے لئے لیڈی ریڈنگ ہسپتال منتقل کر دیا گیا ہے جن کی حالت خطرے سے باہر بتائی جارہی ہے ۔

وقوعہ کی اطلاع پر پولیس افسر بھاری نفری کے ہمراہ جائے وقوعہ پہنچ گئی اور علاقہ کا محاصرہ کرکے سر چ آپریشن شروع کر دیا گیا تاہم آخری اطلاعات تک کسی قسم کی گرفتاری عمل میں نہیں لائی جا سکی۔