پشاور میں نامعلوم افراد کی فائرنگ سے ایک خواجہ سرا ہلاک، دوسرا شدید زخمی

پشاور (ڈیلی اردو) صوبہ خیبر پختونخوا کے صوبائی دارالحکومت پشاور کے نواحی علاقہ پلوسی میں نامعلوم افراد کی فائرنگ سے ایک خواجہ سرا ہلاک جبکہ دوسرا شدید زخمی ہوگیا۔

پولیس کے مطابق دونوں خواجہ سراؤں کو فائرنگ کا نشانہ پشاور کے نواحی علاقے میں پروگرام سے واپسی پر بنایا گیا، فائرنگ کے نتیجے میں خواجہ سرا گل پانڑا ہلاک جبکہ چاہت زخمی ہو گئی۔

واقعہ کے فوری بعد لاش اور زخمی خواجہ سرا کو طبی امداد کے لیے خیبر ٹیچنگ  ہسپتا ل منتقل کردیا گیا جہاں ہسپتال انتظامیہ کے مطابق زخمی خواجہ سرا چاہت کی حالت تسلی بخش نہیں۔

پولیس کے مطابق خواجہ سرا گل پانڑا کی نعش پوسٹ مارٹم کے لیے بھیج دی گئی جبکہ پولیس کی جانب سے واقعہ کی تحقیقات کی جارہی ہے۔