پشاور میں نامعلوم افراد کی فائرنگ سے پولیس اہلکار ہلاک

پشاور (نمائندہ ڈیلی اردو) صوبہ خیبر پختونخوا کے صوبائی دارالحکومت پشاور میں ورسک روڈ پر نامعلوم افراد کی فائرنگ سے ایک پولیس اہلکار ہلاک ہوگیا ہے۔ تاحال واقعہ کی ذمہ داری کسی تنظیم نے قبول نہیں کی۔

تفصیلات کے مطابق تھانہ ریگی میں تعینات پولیس کانسٹیبل نعیم ڈیوٹی ختم کرکے گھر جارہا تھا کہ متھرا کی حدود میں نامعلوم افراد کی فائرنگ سے شدید زخمی ہوگیا۔جبکہ دوست آصف فائرنگ سے زخمی ہوا۔

ایس ایس پی آپریشنز کاشف آفتاب عباسی ودیگر افسران واقعہ کی اطلاع ملتے ہی موقع پر پہنچ گئے، زخمی کانسٹیبل کو ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

پولیس نے ملزمان کی گرفتاری کے لیے علاقے میں بڑے پیمانے پر سرچ آپریشن شروع کر دیا۔