پشاور میں یوم آزادی پر تخریب کاری کا منصوبہ ناکام

پشاور (ڈیلی اردو) صوبہ خیبر پختونخوا کے صوبائی حکومت پشاور کے نواحی علاقے ارمڑ میں تخریب کاری کی غرض سے نصب کیا گیا بارودی مواد پولیس کی بروقت کارروائی سے برآمد کرکے شہر کو تاریکی میں ڈوبنے سے بچا لیا گیا۔

تفصیلات کے مطابق پشاور پولیس کو اطلاع ملی تھی کہ شرپسند اور تخریب کار عناصر نے شہر کو بجلی کی ترسیل منقطع کرنے کی خاطر شہر کے نواحی علاقے ارمڑ میں 132 کے وی مین ٹرانسمیشن لائن کو بارودی مواد سے اڑانے کی خاطر مواد نصب کیا ہے۔

اطلاع ملتے ہی ڈی ایس پی شاہجہان آفریدی اور ایس ایچ او تھانہ ارمڑ نعیم خان نے موقع پر پہنچ کر بی ڈی یو ٹیم کو طلب کر لیا جنہوں نے فوری طور پر بارودی مواد کا ناکارہ بناتے ہوئے شہر کو تاریکی میں ڈوبنے سے بچا لیا۔

پولیس نے واقعہ میں ملوث نامعلوم ملزمان کے خلاف مقدمہ درج کر کے تفتیش شروع کر دی ہے۔