پشاور: کوچہ رسالدار خودکش دھماکے کا داعشی کمانڈر افغانستان میں ہلاک

واشنگٹن  (ش ح ط) افغانستان کے شہر مزار شریف میں نامعلوم مسلح افراد نے داعش خراسان کے اعلیٰ آپریشنل کمانڈر محمد احسانی المعروف انوار کو ہلاک کر دیا ہے۔ 

پاکستانی سکیورٹی ذرائع کے مطابق، احسانی تاجک شہری تھے اور وہ خاص طور پر تاجک خودکش بمباروں کو تربیت دینے اور انہیں پاکستان منتقل کرنے کے ذمہ دار تھے۔

محمد احسانی 4 مارچ 2022 کو پشاور کے قصہ خوانی بازار کے علاقے کوچہ رسالدار میں شیعہ مسلک کی مرکزی جامع مسجد پر ہونے والے خودکش حملے کے مرکزی سہولت کاروں میں شامل تھے، جس میں اہل تشیع برادری کے 67 افراد ہلاک اور 194 زخمی ہوئے تھے۔ 

یہ فدائی حملہ پاکستان میں داعش خراسان کی طرف سے کیے گئے سب سے بڑے حملوں میں شمار ہوتا ہے۔

سکیورٹی ذرائع کے مطابق، احسانی کے ہلاکت سے داعش خراسان کے عسکری نیٹ ورک اور خودکش حملوں کی تربیتی صلاحیت پر شدید دھچکہ پہنچے گا۔