پشین : مزدوروں پر دہشتگردوں کی فائرنگ، 5 ہلاک، ایک شدید زخمی

پشین (ڈیلی اردو) بلوچستان کے شورش زدہ ضلع پشین کے علاقے سرانان کے قریب سلیمانزئی میں سڑک کی تعمیر میں مصروف مزدوروں پر مسلح دہشتگردوں نے فائرنگ کردی، جس کے نتیجے میں 5 مزدور ہلاک جبکہ ایک شدید زخمی ہوگیا۔ 

پولیس کے مطابق واقعہ اس وقت پیش آیا جب مزدور تعمیراتی کام میں مصروف تھے، فائرنگ کے بعد حملہ آور قریبی آبادی کی جانب فرار ہوگئے۔ پولیس اور متعلقہ اداروں نے موقع پر پہنچ کر ہلاک افراد کی لاشوں اور زخمی مزدور کو اسپتال منتقل کیا، جبکہ واقعے میں ملوث افراد کی گرفتاری کے لیے تحقیقات اور تلاش کا عمل شروع کردیا گیا۔

 پولیس کے مطابق ہلاک اور زخمی ہونے والے مزدوروں کا تعلق پنجاب سے بتایا جاتا ہے۔