پشین : سی ٹی ڈی کا مہاجر کیمپ میں آپریشن ، 5 دہشتگرد ہلاک

پشین(ڈیلی اردو) سی ٹی ڈی نے دہشتگردوں‌کےخلاف کاروائی کرتے ہوئے پشین سرخاب مہاجر کیمپ میں ٹارگٹڈ آپریشن کرکے فائرنگ کے تبادلے میں کالعدم تنظیم کے پانچ دہشت گرد ہلاک، ٹھکانے مسمار بھاری تعداد میں اسلحہ،گولہ بادو قبضے میں لے لیا گیا

مارے جانے والے دہشت گرد ی کی کئی وارداتوں میں ملوث تھے، بھاری تعداد میں اسلحہ،گولہ بادو قبضے میں لے لیا ، لاشیں ہسپتال منتقل۔

سی ٹی ڈی زرائع کے مطابق قانون نافذ کرنے والے اداروں کو اطلاع ملی تھی کہ بلوچستان کے ضلع پشین کے علاقے سرخاب مہاجرکیمپ میں کالعدم تنظیم کے دہشتگردوں نے ٹھکانے قائم کئے ہوئے ہیں اور پشین سمیت صوبے کے مختلف علاقوں میں دہشتگردی کی منصوبہ بندی کررہے ہیں جس پر سی ٹی ڈی نے گزشتہ شب سرخاب مہاجر کیمپ میں ٹارگٹڈ آپریشن کیا دہشتگردوں نے سی ٹی ڈی اہلکاروں کو دیکھتے ہی فائرنگ شروع کردی تاہم اہلکاروں کی جوابی فائرنگ کے تبادلے میں کالعدم تنظیم کے پانچ دہشتگرد ہلاک ہوگئے، جبکہ ٹھکانوں کو مسمار کرکے بھاری تعداد میں اسلحہ گولہ بارود قبضہ میں لے لیا گیا،

ذرائع نے بتایا ہے کہ مارے جانے والے دہشتگرد پشین میں ہونے والے بم دھماکوں ، ٹارگٹ کلنگ سمیت دہشتگردی کی مختلف وارداتوںمیں ملوث تھے ۔ نعشوں کو ہسپتال منتقل کردیا گیا ہے۔