پنجاب سے القاعدہ، داعش اور تحریک طالبان پاکستان کے 11 دہشت گرد گرفتار

لاہور (ڈیلی اردو) کاؤنٹر ٹیررزم ڈیپارٹمنٹ (سی ٹی ڈی) پنجاب نے انٹیلی جنس بیسڈ آپریشن میں لاہور سمیت دیگر شہروں سے 11 دہشت گرد گرفتار کر لئے۔

Pakistan Counter-Terrorism Dept claims arrests of 11 jihadists affiliated with Al-Qaeda, Islamic State and TTP from different areas of Punjab province. https://t.co/6xl9vU8eTx

— FJ (@Natsecjeff) May 6, 2023

سی ٹی ڈی ترجمان کے مطابق دہشت گردی کے خدشات کے پیش نظر پنجاب بھر میں سی ٹی ڈی کے خفیہ آپریشن جاری ہیں ، گرفتار دہشت گردوں میں مہتاب، طارق، گل اعظم، معاویہ، عماد، وارث، جبار شامل ہیں۔

ترجمان کاکہنا ہے کہ کہ دہشت گردوں کا تعلق کالعدم تنظیم القاعدہ، داعش اور تحریک طالبان پاکستان سے ہے، دہشت گردوں کے قبضے سے دھماکہ خیز مواد، ہینڈ گرنیڈ، ڈیٹو نیٹر، پمفلٹ اور دیگر اشیاء برآمد کرلی گئی ہیں، دہشت گرد نیٹ ورک حساس شہروں میں دہشت گردی کا منصوبہ مکمل کرچکے تھے۔

سی ٹی ڈی ترجمان کا مزید کہنا ہے کہ دہشت گردوں کے خلاف لاہور، بہاولپور، گوجرانوالہ، راولپنڈی اور ساہیوال میں 10 مقدمات درج کر لئے گئے ہیں۔

ترجمان نے مزید کہا کہ رواں ہفتے کومبنگ آپریشن کے دوران 100 مشتبہ افراد کو گرفتار کر کے، 76 ایف آئی آر درج کی گئی ہیں، ریاست دشمن عناصر کی سرکوبی کے لئے ہر ممکن کوشش جاری رہے گی۔