پنجاب میں سی ٹی ڈی کی کارروائیاں؛ 24 دہشت گرد گرفتار، دھماکا خیز مواد برآمد

لاہور (نمائندہ ڈیلی اردو) پاکستان کے صوبہ پنجاب میں کاؤنٹر ٹیررازم ڈپارٹمنٹ (سی ٹی ڈی) نے مختلف شہروں میں خفیہ معلومات کی بنیاد پر کارروائیاں کرتے ہوئے 24 دہشت گردوں کو گرفتار کر لیا ہے۔ سی ٹی ڈی کے مطابق گرفتار افراد مختلف مقامات پر تخریب کاری کی منصوبہ بندی کر رہے تھے۔

ترجمان سی ٹی ڈی کا کہنا ہے کہ لاہور سے کالعدم تحریک طالبان پاکستان کا دہشت گرد گرفتار ہوا ہے۔

سی ٹی ڈی ترجمان نے بتایا کہ دہشت گردوں سے دھماکا خیز مواد، آئی ای ڈی، ڈیٹونیٹر برآمد ہوا ہے۔ دہشت گرد مختلف مقامات پر تخریب کاری کرنا چاہتے تھے۔

ترجمان سی ٹی ڈی کے مطابق کارروائیاں لاہور کے علاوہ ساہیوال، ٹوبہ ٹیک سنگھ، راولپنڈی، فیصل آباد، شیخوپورہ، ننکانہ صاحب، سرگودھا، مظفرگڑھ، سیالکوٹ، راجن پور، جہلم، منڈی بہاؤالدین اور اٹک میں بھی کی گئیں۔