ڈیرہ اسماعیل خان: موبائل کمپنی کے 4 ملازمین اغوا، ڈرون حملے میں 4 شہری زخمی

ڈی آئی خان (نمائندہ ڈیلی اردو) پاکستان کے شورش زدہ صوبے خیبرپختونخوا کے ضلع ڈیرہ اسماعیل خان کی تحصیل کلاچی سے موبائل کمپنی کے چار ملازمین کو گاڑی سمیت اغوا کر لیا گیا۔

پولیس کے مطابق ملازمین کے اغوا کا مقدمہ موبائل کمپنی کی مدعیت میں نامعلوم افراد کے خلاف سی ٹی ڈی تھانے میں درج کر لیا گیا ہے۔ اغوا ہونے والے ملازمین گرہ بختیار کے علاقے میں کمپنی کے ٹاورز اور دیگر سامان منتقل کر رہے تھے۔ ان کی بازیابی کے لیے تلاش جاری ہے۔

ڈرون حملہ

دریں اثنا تحصیل درابن کلاں کے محلہ سلیم آباد کے کھیتوں میں ڈرون حملہ ہوا، جس میں عبدالشکور، غفور، محمد مجید، بلال اور ظہور شدید زخمی ہوئے۔ زخمیوں کو ڈیرہ اسماعیل خان کے مفتی محمود ہسپتال منتقل کر کے طبی امداد دی جا رہی ہے۔