ڈیرہ اسماعیل خان میں سکیورٹی فورسز کا آپریشن، کالعدم ٹی ٹی پی کا اہم کمانڈر ہلاک

راولپنڈی (ڈیلی اردو) سکیورٹی فورسز نے صوبہ خیبر پختونخوا کے ضلع ڈیرہ اسماعیل خان میں خفیہ اطلاع پر آپریشن کے دوران دہشت گرد ہلاک کو ہلاک کردیا۔

آئی ایس پی آر کے مطابق سکیورٹی فورسز نے ڈیرہ اسماعیل خان کی تحصیل کلاچی میں آپریشن کیا، آپریشن دہشت گردوں کی موجودگی کی خفیہ معلومات کی بنیاد پر کیا گیا تھا۔

پاکستانی فوج کے شعبہ تعلقات عامہ کے مطابق سکیورٹی فورسز اور دہشت گردوں میں مقابلہ کے دوران کمانڈر حبیب الرحمان ہلاک ہو گیا۔

ہلاک دہشت گرد کمانڈر سکیورٹی فورسز اور شہریوں پر حملوں میں ملوث تھا ، ہلاک دہشت گرد سے اسلحہ و بارود بھی برآمد ہوا ہے۔

آئی ایس پی آر کا کہنا ہے کہ علاقہ میں دیگردہشت گردوں کی تلاش کے لیے آپریشن جاری ہے، سکیورٹی فورسز نے ملک سے دہشت گردی ختم کرنے کا عزم کیا ہوا ہے۔