ڈیرہ اسماعیل خان میں سیکیورٹی فورسز کا انٹیلی جنس آپریشن، 3 دہشتگرد ہلاک

ڈیرہ اسماعیل خان(ڈیلی اردو) خیبرپختونخوا کے شورش زدہ ضلع ڈیرہ اسماعیل خان سیکیورٹی فورسز نے خفیہ اطلاعات کی بنیاد پر کیے گئے آپریشن کے دوران 3 دہشتگرد ہلاک ہونے کی اطلاع ہے۔

سیکیورٹی ذرائع کے مطابق فورسز نے دہشتگردوں کی موجودگی کی اطلاع پر ڈیرہ اسماعیل خان میں کارروائی کی، جس کے دوران فائرنگ کا تبادلہ ہوا اور 3 دہشتگرد مارے گئے۔

ذرائع کا کہنا ہے کہ کارروائی کا مقصد علاقے میں موجود دہشتگرد عناصر اور ان کے نیٹ ورک کے خلاف مؤثر کارروائی کرنا تھا۔ ہلاک دہشتگردوں کی شناخت اور آپریشن کے دوران برآمد ہونے والے اسلحے سے متعلق مزید تفصیلات فوری طور پر سامنے نہیں آئیں۔

سیکیورٹی ذرائع کے مطابق خیبرپختونخوا میں دہشتگردی کے خاتمے کے لیے انٹیلی جنس بنیادوں پر کارروائیاں جاری رکھی جائیں گی، جبکہ دہشتگرد عناصر کے خلاف کارروائیوں کا دائرہ مزید وسیع کیا جا رہا ہے۔