ڈیرہ اسماعیل خان: پولیو ٹیم کی سیکیورٹی پر مامور پولیس اہلکاروں پر فائرنگ

ڈی آئی خان (ڈیلی اردو) صوبہ خیبر پختون خوا کے ضلع ڈیرہ اسماعیل خان میں مختلف اضلاع سے پولیو مہم کے لئے آنے والی پولیس نفری پر نامعلوم مسلح افراد نے فائرنگ کی تاہم کوئی جانی نقصان نہیں ہوا۔

ڈی پی او ڈیرہ اسماعیل خان محمد شعیب نے فوری طور پر ایس ڈی پی او صدر حافظ محمد عدنان اور ڈی ایس پی ہیڈ کوارٹر اصغر علی شاہ کو نفری کے ساتھ موقع پر روانہ کر دیا۔

پولیس کی جوابی کارروائی کے نتیجے میں حملہ آور نزدیکی علاقوں میں فرار ہوگئے۔ رات کے اندھیرے میں پولیس نے حملہ آوروں کی گرفتاری کے لئے سرچ آپریشن بھی کیا۔

ڈی پی او محمد شعیب نے کہا ہے کہ ڈیرہ اسماعیل خان میں پانچ روزہ پولیو مہم کی سیکورٹی سخت کرتے پوئے کھلے عام اسلحہ کی نمائش اور موٹر سائیکل پر ڈبل سواری پر پابندی عائد کردی گئی ہے۔

ڈیرہ اسماعیل خان : پانچ روزہ انسداد پولیو مہم آغاز، ڈی پی او ڈیرہ محمد شعیب کی نگرانی میں ضلع بھر میں سخت سیکیورٹی انتظامات، 6100 سے زائد افسران و اہلکاران تعینات pic.twitter.com/EaYeGjiPaY

— KP Police (@KP_Police1) January 2, 2023