ڈیرہ اسماعیل خان: کالعدم تحریک طالبان پاکستان کے دو مطلوب دہشت گرد ہلاک

ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان میں پولیس اور سی ٹی ڈی نے کلاچی کے علاقے پروآ میں کارروائی کرکے کالعدم تنظیم تحریک طالبان پاکستان کے 2 دہشت گردوں کو ہلاک کردیا۔

ڈیرہ اسماعیل خان کے علاقے پروآ میں سی ٹی ڈی کے آپریشن میں کالعدم تحریک طالبان پاکستان کھیارہ گروپ کے 2 انتہائی مطلوب دہشت گرد شعیب اور نعمان مارے گئے۔ متعدد دہشتگردی کی وارداتوں میں مطلوب شعیب کی سر قیمت 10 لاکھ روپے مقرر تھی۔#CTD #TTP #DIKhan #Pakistan

— Shabbir Hussain Turi (@ShabbirTuri) October 25, 2023

پولیس کے مطابق کلاچی کے علاقے پروآ میں دہشت گردوں کی موجودگی کی اطلاع پر کارروائی کی گئی، فائرنگ کے تبادلے میں کالعدم تحریک طالبان پاکستان کھیارہ گروپ کے دو انتہائی مطلوب دہشت گرد شعیب اور نعمان مارے گئے جبکہ ایک فرار ہوگیا۔

پولیس کا کہنا ہے کہ دہشت گردوں سے قبضے سے اسلحہ اور دستی بم برآمد ہوا، ہلاک دہشت گرد شعیب کے سر کی قیمت 10 لاکھ روپے مقرر تھی۔

پولیس کے مطابق ہلاک دہشت گرد سیکیورٹی فورسز پر حملوں،
فرقہ وارانہ ٹارگٹ کلنگ کی وارداتوں اور دہشت گردی کے متعدد مقدمات میں مطلوب تھے۔

پولیس حکام کے مطابق ہلاک دہشت گرد سری لنکن ٹیم پر حملے میں ملوث اقبال کھیارہ کے رشتے دار ہیں۔

پولیس کے مطابق ہلاک ملزمان میں سری لنکن ٹیم پر حملہ کرنے والے ملزم کا بھتیجا اور برادر نسبتی شامل ہیں۔