کابل میں گردوارے پر حملہ قابل مذمت ہے، سکھز فار جسٹس

نیو یارک (ڈیلی اردو/اے پی پی) امریکا میں قائم سکھ تنظیم سکھز فار جسٹس نے کابل میں گردوارے پر بعض غیر ریاستی عناصر کی جانب سے کیے گئے دہشت گرد حملے کی مذمت کرتے ہوئے سکھ برادری پر زور دیا ہے کہ وہ 26 جنوری 2023 کو بھارت میں ہونے والے خالصتان ریفرنڈم کی حمایت کرے۔

کشمیر میڈیا سروس کے مطابق سکھز فار جسٹس کے جنرل کونسل گورپتونت سنگھ پنن نے اپنے ایک آڈیو ویڈیو پیغام میں اس بات کو اجاگر کیا کہ بھارت میں سکھوں کے گوردواروں پر 4 جولائی 1955 سے شروع ہونے والے حملے ہمیشہ ریاستی سرپرستی میں ہوتے رہے ہیں۔

انہوں نے کہا کہ ایک بار جب سکھوں کا خالصتان بن جائے گا، سکھوں کے خلاف غیر ریاستی اور ریاستی دہشت گردی میں ملوث تمام افراد کو بین الاقوامی قوانین کے تحت جوابدہ بنایا جائے گا۔