کالعدم بلوچ لبریشن آرمی کا مبینہ کمانڈر افغانستان میں ہلاک

کوئٹہ (بیورو رپورٹ) کالعدم تنظیم بلوچ لبریشن آرمی ( بی ایل اے ) کا مبینہ کمانڈر رزاق مندلی افغانستان میں ہلاک ہوگیا۔

ذرائع کابتانا ہے کہ کالعدم تنظیم کا کمانڈر رزاق مندلی لین دین کے تنازع پر افغان صوبے کنڑ میں مارا گیا، مبینہ دہشتگرد بلوچستان کے ضلع نوشکی کے علاقے احمد وال کا رہائشی تھا۔

https://twitter.com/Natsecjeff/status/1484853616326369281?t=6uJK0xhBcijyIu8Qc0S6Iw&s=19

ذرائع کے مطابق کالعدم تنظیم کامبینہ کمانڈر کافی عرصے سے افغانستان میں مقیم تھا، مبینہ دہشتگرد کالعدم تنظیم کےلیے فنڈز جمع کرتا تھا۔

سیکیورٹی ذرائع نے مزید بتایا کہ ہلاک کمانڈر اسلحہ بارود افغانستان سے پاکستان منتقل کرتا تھا، بارود اور اسلحہ نوشکی کے راستے منتقل کیا جاتا تھا۔

ذرائع نے بتایا دہشت گرد نے 2011 میں کوئٹہ میں خودکش حملے کی ذمہ داری قبول کی جبکہ مختلف دہشت گردی کی وارداتوں میں ملوث رہا ہے۔