کراچی سے کالعدم تنظیم سپاہ محمد کا دہشت گرد گرفتار

کراچی (ڈیلی اردو) صوبہ سندھ کے صوبائی دارالحکومت کراچی کے علاقہ تیموریہ سے کالعدم تنظیم سپاہ محمد کا دہشتگرد گرفتار کرلیا گیا۔

انچارج سی ٹی ڈی کے مطابق گرفتار ملزم
عماد علی عرف حماد عرف ٹی ٹو عباس ٹاؤن بم دھماکے سمیت ٹارگٹ کلنگ میں بھی ملوث ہے، ملزم عباس ٹاؤن دھماکے کے بعد فرحت عباس زیدی ٹیم میں شامل ہوا، ملزم نے ساتھیوں کے ہمراہ گلشن اقبال میں سال 2012 میں ہوٹل پر فائرنگ کر کے مذہبی جماعت کے چار کارکنوں کو قتل کیا۔

انچارج سی ٹی ڈی کے مطابق ملزم نے پیپلز چورنگی اور رضویہ میں فائرنگ کر کے کالعدم جماعت سپاہ صحابہ سے وابستہ پیش امام سمیت تین افراد کو قتل کیا۔

عماد علی عرف حماد ٹی ٹو کے قبضے سے اسلحہ بھی برآمد ہوا۔