کرنل مقرب خان: لکی مروت میں دہشت گردوں کی فائرنگ سے سابق صدر پرویز مشرف کا پائلٹ ہلاک

اسلام آباد (ش ح ط) صوبہ خیبر پختونخوا کے ضلع لکی مروت میں نامعلوم افراد کی فائرنگ سے سابق صدر پرویز مشرف کا پائلٹ ہلاک ہوگیا۔

#Pakistan: Teḥrīk-e-Ṭālibān Pākistān claims responsibility for killing Lt. Col (R) Muqarrab Khan today in the Khoidad Khel area of Lakki Marwat district, Khyber Pakhtunkhwa province. https://t.co/tX83OCQs3c

— ???? (@cozyduke_apt29) April 23, 2023

سرکاری ذرائع کے مطابق ‏سابق صدر جنرل پرویز مشرف کے پائلٹ لیفٹیننٹ کرنل ریٹائرڈ مقرب خان کو لکی مروت کے محلہ خوائیداد خیل میں اپنے حجرے میں دہشتگردوں نے فائرنگ کرکے ہلاک کردیا۔

ذرائع کے مطابق لیفٹیننٹ کرنل مقرب خان اپنے حجرے میں لوگوں سے عید مل رہے تھے کہ نامعلوم افراد نے ان کو ٹارگٹ کلنگ کا نشانہ بنایا اور فرار ہوگئے۔

ذرائع کے مطابق کرنل مقرب خان آئی ایس آئی اور جی ایچ کیو میں کئی اہم عہدوں پر فرائض انجام دے چکے ہیں۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔