گوجرانوالہ، راولپنڈی اور سرگودھا سے 9 دہشت گرد گرفتار، خودکش جیکٹس بنانے کا سامان برآمد

لاہور (بیورو رپورٹ) کاؤنٹر ٹیررازم ڈیپارٹمنٹ ( سی ٹی ڈی) نے پنجاب کے مختلف اضلاع میں کارروائی کر کے 9 دہشت گردوں کو گرفتار کر لیا۔

سی ٹی ڈی نے گوجرانوالہ، راولپنڈی اور سرگودھا میں مختلف کارروائیاں کے دوران کالعدم تنظیموں کے 9 دہشت گردوں کو گرفتار کرلیا۔ گرفتار دہشت گردوں کے قبضہ سے بارودی مواد، اسلحہ، خودکش جیکٹ بنانے کا سامان برآمد ہوا۔ سی ٹی ڈی #CTD #Punjab #Pakistan

— Shabbir Hussain Turi (@ShabbirTuri) March 31, 2023

سی ٹی ڈی حکام کے مطابق گوجرانوالہ، راولپنڈی، سرگودھا میں کارروائیوں کے دوران کالعدم جماعتوں کے 9 دہشتگردوں نذیر ، فہد، ارشد، عثمان ، شیر محمد ، طاہر ، وزیر اور عبدالرشید کو گرفتار کیا گیا۔

حکام کا کہنا ہے کہ کارروائیوں کے دوران ملزمان کے قبضہ سے بارودی مواد، اسلحہ، خودکش جیکٹ بنانے کا سامان برآمد ہوا، دہشت گرد نیٹ ورکس حساس اضلاع میں حملے کرنا چاہتے تھے۔

واضح رہے کہ رواں ہفتے صوبے بھر میں 340 کومبنگ و سرچ آپریشن کیے گئے، کومبنگ و سرچ آپریشنز کے دوران 41 مشتبہ افراد کو حراست میں لیا گیا۔

حکام کا مزید کہنا تھا کہ دہشت گردی کے خلاف جنگ میں سی ٹی ڈی ہر سطح پر کارروائی جاری رکھے گی۔