یمن: اگر جنگ میں ضرورت پڑی تو فوراً عسکری جواب دینگے، حوثی سربراہ

صنعاء (ڈیلی اردو) یمن کی ایران نواز حوثی تحریک کے سربراہ عبدالمالک الحوثی نے جمعرات کو خبردار کیا کہ مشرق وسطیٰ میں جاری جنگ میں ضرورت پڑنے پر حوثی اپنا عسکری ردعمل بھی دکھائیں گے۔

یمن کے حوثی باغی، جو ایران کے نام نہاد "محورِ مزاحمت" کا اہم حصہ ہیں، اب تک امریکہ اور اسرائیل کے ایران پر حملوں سے شروع ہونے والی جنگ میں براہِ راست مداخلت سے گریز کرتے رہے ہیں، حالانکہ یہ تنازعہ خطے کے بڑے حصے کو اپنی لپیٹ میں لے چکا ہے۔

الحوثی نے کہا: “یمن کے عوام کے طور پر ہم وفاداری کا جواب وفاداری سے دیتے ہیں۔ جنگ میں اگر کوئی ایسی پیش رفت ہوتی ہے جس پر فوجی ردعمل ضروری ہوا، تو ہم فوری طور پر اقدام کریں گے… جیسا کہ ہم پہلے بھی کر چکے ہیں۔”