اسرائیلی جارحیت، امریکی پالیسیاں حظے میں قیام امن کیلئے سب سے بڑا خطرہ ہیں: ایران

میونخ (ویب ڈیسک) ایران نے خبردار کیا ہے کہ اسرائیل مشرق وسطیٰ میں جنگ کے لیے پر تول رہا ہے جس سے خطے کا امن خطرے میں پڑ جائے گا۔

بین الاقوامی خبر رساں ادارے کے مطابق ایرانی وزیر خارجہ جواد ظریف نے جرمنی میں سیکیورٹی کانفرنس سے خطاب میں انکشاف کیا ہے کہ اسرائیل مشرق وسطیٰ میں جنگ برپا کرنا چاہتا ہے، امریکی پالیسیاں اور اسرائیلی کے عزائم خطے کے امن کے لیے خطرہ بن گئی ہیں۔

وزیر خارجہ جواد ظریف نے مزید کہا کہ اسرائیلی طیارے بین الاقوامی قوانین کی خلاف ورزی کرتے ہوئے شام میں ایرانی تنصیبات کو مسلسل نشانہ بنا رہے ہیں جس پرعالمی قوتوں کی خاموشی مجرمانہ عمل ہے، اسرائیلی جارحیت کو امریکی حمایت حاصل ہے جس سے طاقت کے توازن میں بگاڑ پیدا ہو رہا ہے۔

Iran cannot forever foot whole bill for vital global security achievements–whether it's the #JCPOA, or combating of drug & human trafficking. Time for Europe to get wet if it wants to swim against dangerous tide of US unilateralism. My remarks at #MSC2019: https://t.co/YXQyzX6vWT

— Javad Zarif (@JZarif) February 17, 2019

ایرانی وزیرخارجہ نے صدر ٹرمپ کی پالیسیوں کو تنقید کا نشانہ بناتے ہوئے کہا کہ امریکا خود تو جوہری توانائی کے معاہدے سے دست بردار ہوچکا ہے اور دیگر یورپی ممالک کو بھی معاہدے سے انخلاء پر مجبور کر رہا ہے، امریکا کو اپنی پالیسیوں پر نظر ثانی کرنا ہو گی۔

واضح رہے کہ اسرائیل پاس داران انقلاب پر حدود کی خلاف ورزی کا الزام عائد کر کے شام میں ایرانی تنصیبات کو نشانہ بناتے آیا ہے جبکہ امریکا کی جوہری توانائی کے معاہدے سے دست برداری کے بعد ایران سے تعلقات نہایت کشیدہ ہیں۔