اسلام آباد دھماکے کا جواب ملے گا! افغانستان میں کارروائی کا اشارہ، وزیر دفاع خواجہ آصف

اسلام آباد (ڈیلی اردو) پاکستان کے وزیر دفاع خواجہ آصف نے کہا ہے کہ اسلام آباد میں ہونے والا بم دھماکہ ’’پاکستان کے لیے ایک پیغام‘‘ تھا، جس کا مقصد یہ دکھانا ہے کہ شدت پسند ملک کے اندر تک حملے کر سکتے ہیں۔

جب ان سے پوچھا گیا کہ کیا پاکستان جوابی کارروائی کرے گا اور افغانستان میں تحریک طالبان پاکستان (ٹی ٹی پی) کے ٹھکانوں کو نشانہ بنائے گا، تو انہوں نے کہا، ’’اسے مسترد نہیں کیا جا سکتا۔‘‘

انہوں نے ایک بار پھر کابل حکومت سے مطالبہ کیا کہ وہ وہاں سے کام کرنے والے شدت پسندوں کو روکے۔ خواجہ آصف نے منگل کی رات دیر گئے جیو نیوز سے بات کرتے ہوئے مزید کہا، ’’افغان طالبان جنہیں پناہ دے رہے ہیں، وہ بار بار ہم پر حملے کر رہے ہیں۔‘‘

انہوں نے زور دے کر کہا، ’’پاکستان کبھی کوئی فوجی مہم جوئی شروع نہیں کرے گا،‘‘ لیکن خبردار کیا کہ ’’ہم جارحیت کے کسی بھی عمل کو بغیر جواب کے نہیں چھوڑیں گے۔‘‘

ان کا مزید کہنا تھا، ’’ہم زبردست جواب دیں گے۔‘‘