اسلام آباد: شاہ فیصل مدرسہ میں 13 سالہ بچے نے 9 سالہ بچے کو بدفعلی کا نشانہ بنا دیا

اسلام آباد (ڈیلی اردو) وفاقی دارالحکومت اسلام آباد میں 13 سالہ بچے نے 9 سالہ بچے کو بدفعلی کا نشانہ بنا دیا۔

تفصیلات کے مطابق اسلام آباد کے سیکٹرجی سیون تھری ٹو کے مدرسہ شاہ فیصل میں 9 سالہ بچے کے ساتھ بدفعلی کا واقعہ پیش آیا ہے۔

تفصیلات کے مطابق بچے کے ساتھ دو دن تک مدرسہ کے اندر بدفعلی ہوتی رہی۔ مقدمے کا متن آبپارہ پولیس نے بچہ کی والدہ یاسیمن کی مدعیت میں مقدمہ درج کر لیا گیا ہے جس میں بتایا گیا ہے کہ اس کے بچے صغیر کے ساتھ زیادتی کرنے والے ملزم ولید کی عمر بھی 13 برس ہے۔

مقدمے کے متن کے مطابق 13 سالہ طالب علم ولید نے بچے کے ساتھ دو دن زیادتی کی۔ متاثرہ بچے کی والدہ کے مطابق بچے نے واقعے سے متعلق مدرسے میں کسی کو نہ بتایا اور مجھ سے بھی گھبرائی ہوئی باتیں کرتا رہا۔

بعدازاں اس نے تفصیل سے بتایا کہ میرے ساتھ جنسی زیادتی ہوئی ہے۔

والدہ نے ملزم اور مدرسے کی انتظامیہ کے خلاف کارروائی کرنے کی ہدایت کی۔