اسلام آباد کچہری خودکش حملہ کیس: 8 ملزمان بری

اسلام آباد (ڈیلی اردو) وفاقی دارالحکومت اسلام آباد کے سیکٹر ایف ایٹ میں واقع کچہری حملہ کیس کے پانچ ملزمان آٹھ سال بعد عدم ثبوت کی بنا پر مقدمہ سے بری کر دئے گئے۔

کیس کا فیصلہ اسلام آباد کی مقامی عدالت کے سیشن جج طاہر محمود نے سنایا۔

عدالت کا کہنا تھا کہ استغاثہ ملزمان کے خلاف الزامات ثابت نہ کر سکا، پولیس کی جانب سے انتہائی ناقص تفتیش کی بنا پر ملزمان کو بری کیا۔

بری ہونیوالوں میں جان محمد، عبدالغفار، قمر زمان، بسم اللہ جان اور جمروز شامل ہیں۔

ملزمان پر سہولت کار کا کردار ادا کرنے کا الزام تھا۔

3 مارچ 2014 کو اسلام آباد کچہری میں دو خودکش حملے کئے گئے تھے۔

سانحہ کچہری میں ایڈیشنل سیشن جج رفاقت اعوان سمیت 13 افراد ہلاک جبکہ درجنوں زخمی ہوئے تھے۔

واقعہ کا مقدمہ تھانہ مارگلہ میں ایس ایچ او خالد اعوان کی مدعیت میں درج کیا گیا تھا۔