اسلام آباد یونائیٹڈ نے کراچی کنگز کو 4 وکٹ سے شکست دے دی

کراچی (ویب ڈیسک) اسلام آباد یونائیٹڈ نے کراچی کنگز کو سنسنی خیز مقابلے کے بعد 4 وکٹوں سے شکست دے کر اسے ٹائٹل کی دوڑ سے باہر کردیا۔

پی ایس ایل فور میں کراچی کنگز کا سفر ختم ہوگیا، یونائیٹڈ نے ایلیمنیٹر راؤنڈ میں ہوم ٹیم کو زیر کردیا، کنگز کے 162 رنز کا کامیابی سے تعاقب کرتے ہوئے یونائیٹڈ نے مطلوبہ ہدف 6 وکٹوں پر آخری اوور میں حاصل کرلیا۔

ہیلز کے 41، ڈیلپورٹ کے 38 اور حسین طلعت کے 32 رنز نے کامیابی میں اہم کردار ادا کیا جب کہ آخر میں ذمہ دارانہ بیٹنگ کرتے ہوئے آصف علی نے20 اور فہیم اشرف نے 17 رنز بنا کر ٹیم کو فتح سے ہمکنار کیا۔

کراچی کنگز کی جانب سے عمر خان اور عامر یامین نے 2،2 جب کہ محمد عامر اور عثمان شنواری نے ایک ایک وکٹ حاصل کی۔

THE OYE HOYE MOMENT

KARACHI KINGS ARE KNOCKED OUT!

An eventful last over from @iamamirofficial but @AasifAli2018 took Islamabad United over the line with 3 balls to spare

Full scorecard ???? https://t.co/eNCXIuAbZD #IUvKK #PSL2019 #KhelDeewanoKa #OyeHoyeMoments pic.twitter.com/pHFrRfZ8rD

— Cricingif (@_cricingif) March 14, 2019

نیشنل اسٹیڈیم کراچی میں کھیلے گئے میچ میں کراچی کنگز کے کپتان عماد وسیم نے ٹاس جیتا اور پہلے بیٹنگ کرنے کا فیصلہ کیا تو کنگز کے اوپنرز نے جارحانہ انداز اپناتے ہوئے 52 رنز کا آغاز فراہم کیا، کولن منرو نے صرف 11 گیندوں پر برق رفتاری سے 32 رنز جوڑے، پہلی وکٹ گرنے کے بعد لینوگسٹن اور بابر اعظم نے 50 رنز کی شراکت داری قائم کرکے مجموعے کو 102 تک پہنچایا۔

دوسری وکٹ گرنے کے بعد اسلام آباد نے زبردست کم بیک کیا اورعمدہ بولنگ کی بدولت بیٹنگ لائن کو اکھاڑ پھینکا، کنگز کی ٹیم دباؤ کا شکار ہوئی اور وقفے وقفے سے وکٹیں گرنے کے سبب اسکور میں اضافے کی رفتار کم ہوگئی، عماد الیون مقررہ اوورز میں 9 وکٹوں پر صرف 161 رنز ہی بنا سکی، بابر اعظم 42، لیونگسٹن 30، انگرم 23، ڈنک 12، افتخار احمد 1،عامر یامین 1، محمد عامر 3 اور عمر خان بغیر کوئی رن بنائے پویلین لوٹے، کپتان عماد وسیم 13 اور عثمان شنواری ایک رن بنا کر ناٹ آؤٹ رہے۔

اسلام آباد یونائیٹڈ کی جانب سے نوجوان پیسر محمد موسیٰ نے 3 شکار کیے، فہیم اشرف نے 2، شاداب خان رومان رئیس نے ایک ایک وکٹ حاصل کی۔

جیتنے والی ٹیم فائنل میں رسائی کے لیے کل پشاور زلمی کے خلاف کھیلے گی جب کہ ہارنے والی ٹیم کا سفر آج ختم ہو جائے گا، رواں سیزن میں کراچی اور اسلام آباد اب تک دو بار آمنے سامنے آئیں جس میں دونوں بار کراچی کنگز کو شکست کا سامنا کرنا پڑا۔