اسلام آباد: پولیس اہلکاروں پر فائرنگ، 2 اہلکار زخمی، ملزمان گرفتار

اسلام آباد (ڈیلی اردو) اسلام آباد کے علاقے جی ایٹ ون میں پولیس اہلکاروں پر فائرنگ کی گئی ہے۔ فائرنگ سے دو اہلکار زخمی ہوگئے۔ پولیس جوانوں نے زخمی ہونے کے باوجود دونوں ملزمان کو پکڑ لیا۔

اسلام آباد کے سیکٹر جی ایٹ ون میں چیکنگ پر مامور پولیس اہلکاروں نے دو مشتبہ افراد کو چیکنگ کیلئے روکا تو انہوں نے فائرنگ کر دی جس سے دو پولیس اہلکار سب انسپکٹر اعجاز احمد اور کانسٹیبل بختیار احمد زخمی ہوگئے۔ پولیس اہلکاروں نے زخمی ہونے کے باوجود دونوں ملزمان کو پکڑ لیا جن کے قبضے سے دو تیس بور پستول برآمد ہوئے ہیں۔ دونوں زخمی پولیس اہلکاروں کو پمز اسپتال منتقل کر دیا گیا ہے جہاں ان کی حالت خطرے سے باہر ہے۔

دو مشکوک افراد کی پولیس جوانوں پر G-8 میں فائرنگ. پولیس جوان معمول کی چیکنگ پر مامور تھے. دو مشکوک افراد کوچیک کرنے کے لیے روکا جنہوں نے پولیس پر فائرنگ شروع  کردی. فائرنگ سے دو جوان زخمی ہوئی. پولیس کے جوانوں نے زخمی ہونے کے باوجود ہمت نہیں ہاری دونوں افراد کو پکڑا لیا. pic.twitter.com/URqLacLhAz

— Islamabad Police (@ICT_Police) August 12, 2019

ڈی آئی جی آپریشی وقار الدین سید نے پمز اسپتال میں زخمی پولیس اہلکاروں کی عیادت کی اور بہادری کا مظاہرہ کرنے پر خراج تحسین پیش کرنے کے ساتھ دونوں اہلکاروں کیلئے نقد انعام کا بھی اعلان کیا۔