26/December/2022

افغانستان سے دہشتگرد حملے روکنے کیلئے امریکہ پاکستان کی مدد کو تیار ہے، وزیر خارجہ بلاول

👁️ 34 بار دیکھا گیا

ایڈمن
امریکا
افغانستان سے دہشتگرد حملے روکنے کیلئے امریکہ پاکستان کی مدد کو  تیار ہے، وزیر خارجہ بلاول

افغانستان سے دہشتگرد حملے روکنے کیلئے امریکہ پاکستان کی مدد کو تیار ہے، وزیر خارجہ بلاول

واشنگٹن (ڈیلی اردو/این این آئی) پاکستان کے وزیر خارجہ بلاول بھٹو زرداری نے کہا ہے کہ افغانستان سے دہشت گرد حملے روکنے کیلئے امریکہ پاکستان کی مدد کو تیار ہے۔

ذرائع کے مطابق وزیرخارجہ نے کہا کہ امریکی کانگریس کے دورے کے دوران 2 سینئر سینیٹرز نیو جرسی سے باب مینینڈیز اور جنوبی کیرولینا سے لنڈسے گراہم سے ملاقات ہوئی۔

انہوں نے بتایا کہ پاکستان کو بارڈر سکیورٹی میں مدد کیلئے 2023ء کے بجٹ میں فنڈز فراہم کئے گئے ہیں۔ بلاول بھٹو نے دونوں سینیٹرز کے بیان کی اہمیت پر زور دیتے ہوئے کہا کہ سینیٹر باب مینینڈیز سینٹ کمیٹی برائے خارجہ تعلقات کی سربراہی کر رہے ہیں جبکہ سینیٹر گراہم ایک سینئر ری پبلکن ہیں اور سینٹ کی کمیٹی برائے عدلیہ کے سربراہ ہیں۔

دوسری جانب ترجمان امریکی محکمہ خارجہ نیڈ پرائس کے مطابق افغانستان میں موجود دہشٰت گردوں نے حال ہی میں پاکستان میں حملوں میں اضافہ کیا ہے۔

امریکی ترجمان کے مطابق ”بڑھتے خطرے“ سے نمٹنے کیلئے پاکستان کو مدد کی پیشکش کی ہے۔ دہشت گردی کے چیلنج سے نمٹنے کیلئے پاکستان سے تعاون کریں گے۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C