افغانستان میں دو بم دھماکوں میں 4 افراد ہلاک، 20 سے زائد زخمی

کابل (ڈیلی اردو) افغانستان میں دو بم دھماکوں میں 4 افراد ہلاک اور 20 سے زائد زخمی ہو گئے۔

مقامی میڈیا کے مطابق افغانستان کے دارالحکومت کابل اور قندھار میں دھماکے ہوئے۔ کابل میں دھماکہ کرت نو کے علاقے میں پراپرٹی ڈیلر کے دفتر میں ہوا۔

4 Civilians Killed in Kabul, Kandahar Explosionshttps://t.co/5tNv8d5ng0 pic.twitter.com/JwwXfsn27F

— TOLOnews (@TOLOnews) July 10, 2021

کابل میں ہونے والے دھماکے میں 2 شہری ہلاک اور متعدد زخمی ہو گئے۔ زخمیوں کو فوری طور پر قریبی ہسپتال منتقل کر دیا گیا۔

دوسری جانب افغانستان کے صوبے قندھار میں ضلعی چیف کی گاڑی کو نشانہ بنایا گیا تاہم خوش قسمتی سے ضلعی چیف بچ گئے لیکن دھماکے میں 2 شہری ہلاک اور 3 زخمی ہو گئے۔ دھماکے سے زخمی ہونے والوں کو فوری طور پر قریبی ہسپتال منتقل کر دیا گیا۔

کابل اور قندھار میں ہونے والے دونوں دھماکوں میں زخمی ہونے والوں میں پولیس اہلکار بھی شامل ہیں۔ دونوں دھماکوں کی زمہ داری کسی نے قبول نہیں کی۔