افغانستان میں طالبان کے خلاف کارروائیوں میں تیزی، 258 ہلاک

کابل (بیورو رپورٹ) افغانستان میں سیکیورٹی فورسز کے فضائی اور زمینی حملے میں 258 طالبان ہلاک اور 156 زخمی ہو گئے۔

وزارت دفاع کے مطابق افغان صوبوں ننگرہار، لغمان، پکتیا، زابل، ہرات، فرح، غور، فاریاب، بلخ، جوزجان، ہلمند، تخار اور بغلان میں افغان فورسز نے طالبان پر فضائی اور زمینی حملے کئے جس میں طالبان کے 258 دہشت گرد ہلاک اور 156 زخمی ہو گئے۔

https://twitter.com/MoDAfghanistan/status/1405787730487939073?s=19

وزارت دفاع کی جانب سے جاری بیان میں کہا گیا ہے کہ سکیورٹی فورسز نے مختلف اضلاع میں 76 بارودی سرنگوں کو بھی ناکارہ بنا دیا۔

دوسری جانب افغانستان میں امن عمل کے بعد سے طالبان اور سیکیورٹی فورسز کے درمیان جھڑپوں میں مزید اضافہ دیکھنے میں آیا ہے جب کہ تقریبا 80 سے زائد افغان اضلاع میں جھڑپیں جاری ہیں جس کے نتیجے میں اب تک سینکڑوں طالبان اور اہلکار ہلاک ہوچکے ہیں۔