ایرانی حکومت کے دن گنے جا چکے ہیں، جرمن چانسلر

برلن (ڈیلی اردو/اے ایف پی) جرمن چانسلر فریڈرش میرس نے بدھ کے روز کہا کہ ایرانی حکومت کے ’’دن گنے جا چکے ہیں۔‘‘

جرمن سربراہ حکومت کا یہ بیان ایک ایسے وقت میں سامے آیا ہے، جب امریکی صدر ڈونلڈ ٹرمپ نے ایرانی حکومت کی جانب سے مظاہرین کے خلاف کریک ڈاؤن کے بعد مداخلت کی دھمکیاں ایک بار پھر دہرائی ہیں۔

رومانیہ کے وزیر اعظم الیئے بولوژان کے ہمراہ پریس کانفرنس سے خطاب کرتے ہوئے میرس نے کہا، ’’ایسا نظام جو اپنی ہی آبادی کے خلاف محض بے پناہ تشدد اور دہشت کے ذریعے برسر اقتدار رہے، اس کے دن گنے جا چکے ہیں۔‘‘

انہوں نے مزید کہا، ’’یہ چند ہفتوں کا معاملہ بھی ہو سکتا ہے لیکن اس نظام کے پاس ملک پر حکمرانی کا کوئی اخلاقی یا سیاسی جواز باقی نہیں رہا۔‘‘