ایف اے ٹی ایف شرط: حکومت نے گاڑیوں کے لین دین کے کاروبار کو دستاویزی بنانے کا آغاز کردیا

اسلام آباد (ڈیلی اردو) فنانشل ایکشن ٹاسک فورس (ایف اے ٹی ایف) کی ایک اور شرط پوری کردی گئی، گاڑیوں کے لین دین کے کاروبار کو دستاویزی بنانے کا آغاز کر دیا گیا ہے اور اس سلسلہ میں باقائدہ نوٹیفیکیشن بھی جاری کر دیا گیا ہے۔

گاڑی کسے فروخت کی ہے یہ بتانا پڑے گا جبکہ اس کے علاوہ 17 فیصد سیلز ٹیکس بھی ادا کرنا ہوگا۔

نوٹیفیکیشن کے مطابق استعمال شدہ کاروں کی خرید و فروخت پر سیلز ٹیکس عائد کرنے کا فیصلہ کر لیا گیا ہے۔

نجی ٹی وی کے مطابق فیصلہ کیا گیا ہے کہ تمام گاڑیوں کا لین دین بینکوں کے زریعہ ہو گا اور کیش پر گاڑیاں بیچنا اور خریدنا غیر قانونی ہو گا۔

اگر نان فائلر گاڑی خریدے گا یا فروخت کرے گا تو اسے 20 فیصد سیلز ٹیکس دینا پڑے گا۔ ایسا کرنے کا مقصد یہ ہے کہ ملک میں بے نامی بسوں، ڈمپرز اور ٹرکوں کا خاتمہ کیا جائے اور ان کے اصل مالکان تک پہنچا جائے۔