باجوڑ میں بارودی سرنگ کا دھماکا، 2 اہلکار ہلاک، 2 زخمی

اسلام آباد (ش ح ط) صوبہ خیبر پختونخوا کے قبائلی ضلع باجوڑ میں بارودی سرنگ کے ایک دھماکے میں دو سیکیورٹی اہلکار ہلاک اور دو زخمی ہوگئے ہیں۔ ہلاک ہونے والوں میں سے نائب صوبیدار جاوید اور لانس نائیگ ظاہراللہ جبکہ زخمیوں میں اعجاز اور سیف اللہ شامل ہے۔

سرکاری ذرائع نے ڈیلی اردو کو بتایا کہ یہ واقعہ پیر کو تحصیل ماموند کے علاقے ترخو لغڑئی میں پیش آیا۔

ذرائع کے مطابق بارودی سرنگ چیک پوسٹ کے قریب نصب تھی اور علاقے میں گشت کرنے والے اہلکار اس کا نشانہ بنے۔

اس واقعے کے بعد زخمی اہلکاروں کو خار ہسپتال منتقل کر دیا گیا۔

ذرائع کا مزید کہنا ہے کہ دھماکے کے بعد سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی ہے۔