باجوڑ میں دھماکا، قبائلی رہنماء ملک لعل سید ہلاک

اسلام آباد (ش ح ط) صوبہ خیبر پختونخوا کے قبائلی ضلع باجوڑ ایجنسی میں حکام کے مطابق تحصیل برنگ میں ایک بارودی سرنگ کے دھماکے میں قبائلی رہنماء ملک لعل سید ہلاک ہو گئے۔

پولیس کے مطابق پیر کے دن تحصیل برنگ کے علاقہ اصیل ترغاؤ میں سرکردہ قبائلی رہنماء ملک لعل سید نامعلوم افراد کی جانب سے ریموٹ کنٹرول بم دھماکہ کا نشانہ اس وقت بنے جب وہ بازار سے گھر جارہے تھے۔

حکام کے مطابق علاقے میں سکیورٹی فورسز نے سرچ آپر یشن شروع کر دیا ہے اور پورے علاقے کو گھیرے میں لیا ہے۔

اس حملے کی ذمہ داری کالعدم تنظیم داعش پاکستان نے قبول کر لی ہے۔

ISPP targeted a member of the "Pakistani intelligence" in Targhaw, Bajaur, with an IED pic.twitter.com/d0ExmPTGFS

— Riccardo Valle (@ValleRiccardo) February 22, 2021

یاد رہے کہ قبائلی علاقوں میں حکومت کے حامی لوگوں پر حملوں کا سلسلہ گزشتہ دس گیارہ سالوں سے جاری ہے جس کے نتیجے میں سرکاری اعداد شمار کے مطابق ابھی تک تقربیا تین ہزار کے قریب قبائلی عمائدین یا امریکہ کیلئے جاسوسی کے الزام میں مارے گئے ہیں۔