باجوڑ میں سرحد پار سے حملہ، دو پاکستانی فوجی اور تین دہشت گرد ہلاک

راولپنڈی (کاشف محمود) افغان سرحد سے ملحقہ پاکستانی قبائلی علاقے باجوڑ میں سرحد پار سے ہونے والی فائرنگ کے نتیجے میں دو سکیورٹی اہلکار ہلاک ہوگئے۔

پاکستانی فوج کے شعبہ تعلقات عامہ “آئی ایس پی آر” کے بیان میں اہلکاروں کی ہلاکت کی تصدیق کرتے ہوئے بتایا گیا کہ یہ واقعہ بروز اتوار کو پیش آیا۔

آئی ایس پی آر کے مطابق پاکستانی فوج کی جانب سے دہشت گردوں کی فائرنگ کا مؤثر جواب دیا گیا۔

آئی ایس پی آر نے بتایا کہ فوج کی جوابی فائرنگ سے 3 دہشت گرد ہلاک اور 4 کے زخمی ہونے کی اطلاعات ہیں۔

آئی ایس پی آر کا کہنا ہے کہ دہشت گردوں سے فائرنگ کے تبادلے میں پاکستانی فوج کے 2 اہلکار ہوگئے جبکہ ہلاک اہلکاروں میں مردان کے رہائشی 28 سالہ سپاہی جمال اور چترال کے 21 سالہ سپاہی ایاز شامل ہیں۔

آئی ایس پی آر کے مطابق پاکستان نے دہشت گردوں کی جانب سے افغان سرزمین کے استعمال پر احتجاج کیا اور کہا کہ امید ہے افغان سرزمین پاکستان کے خلاف استعمال کرنے کی اجازت نہیں دی جائے گی۔

باجوڑ ایجنسی میں سکیورٹی فورسز کی چیک پوسٹ افغان سرحد کے قریب واقع ہے۔